Монголын хамгийн жижиг шатар
Дорнод аймгийн сийлбэрч Мягмарын Пүрэвжав Монголын хамгийн жижиг шатрыг хийж 2006 онд “Монгол бичил шатар” гэсэн зохиогчийн эрхийн гэрчилгээ авсан юм. Тэрбээр шатрын бодыг 2.2-2.4 миллиметр, хөлгийг хааш хааш гурван сантиметр хэмжээтэй хийжээ. Энэхүү шатрын хөлгөн дээр хоёр жижиг яст мэлхий байх бөгөөд улаан буудайн үрээр хийсэн байна. Мөн шатрын бодуудыг ачлагатай тэмээ, гэр тэрэг, нохой зэргээр төлөөлүүлжээ. Энэ талаар М.Пүрэвжав “Монгол шатар Монголын ахуйг харуулдаг учраас ийм сийлбэр хийсэн. Мөн шатрын хүү нь цэрэг гэсэн утгатай. Харин монголчуудыг хамгаалдаг цэрэг нь нохой гэж үзээд шатрын хүүг нохойгоор дүрсэлсэн” гэж ярьсан юм.
Уг шатрыг нягтшил сайн хус модоор хийсэн бөгөөд 2005 онд эхэлж жил гаруйн хугацаанд хийж дуусгасан байна. Тэрбээр энэ тухайгаа “Бичил сийлбэрийг хийхдээ хугацаа заахаас илүүтэй сэтгэл зүйн бэлтгэл хийх хэрэгтэй. Учир нь, хүний гарын чичиргээ сандрах, яарах гэх мэт сэтгэлийн хөдөлгөөнөөс шалтгаалдаг. Мөн бичил сийлбэр хийхэд хүний нүд их өвддөг учир өдөрт хоёр цагаас илүү хийдэггүй” гэж ярив. Учир нь, хоёр нүдний хүүхэн хараа нэг цэгт төвлөрч удаан гөлөрвөл хялар долир болох, нүдний булчин татах магадлалтай” гэж ярьсан юм.
“Монгол бичил шатар” зохиогчийн эрхийн гэрчилгээ.
ТӨСТЭЙ МЭДЭЭ
Монголын хамгийн өндөр тэмээ
2025-01-08
Монголын хамгийн олон чоно агнасан хүн
2024-12-12
Монголын хамгийн үнэ цэнтэй ном
2024-10-09
Монголын хамгийн өндөрт мандуулсан далбаа
2024-10-07
Монголын анхны Олимпын медальтан
2024-10-04
Монголын хамгийн том нуур Увс
2024-02-21
Сэтгэгдэл (0)
ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.