Монголын сагсан бөмбөгийн шигшээ баг бэлтгэлдээ орлоо

Н.Ариунсайхан

Чихэнд чимэгтэй

2024-11-08

Монголын сагсан бөмбөгийн эрэгтэйчүүдийн шигшээ баг өнөөдрөөс албан ёсоор бэлтгэлдээ орлоо. Шигшээ багийн өргөтгөсөн бүрэлдэхүүнд Б.Билгүүн, О.Эрдэнэцогт, Н.Батбаяр, Т.Ууганбаяр, А.Азбаяр, М.Өлзий-Орших нарын 18 тамирчин орсон бөгөөд эндээс зургаа нь хасагдаж 12 тамирчин үлдэнэ. Тэд энэ сарын 21-нд Японы шигшээ багтай тус улсын Үцүномия хотноо тоглох бол үргэлжлүүлээд 24-ний өдөр Улаанбаатар хотын “UG Arena”-д Хятадын шигшээ багийг хүлээн авах юм. Хэрэв манай тамирчид уг хоёр багийг хожвол 2025 онд болох Азийн аварга шалгаруулах тэмцээнд оролцох эрхээ авна. Сонирхуулахад, манай шигшээ баг Олон улсын сагсан бөмбөгийн холбооны чансаагаар дэлхийд 108-д, Азидаа 23-д эрэмбэлэгдэж байна.