Хилчид амьдрах тохилог сууцаа өөрсдөө барьжээ

Н.Ариунсайхан

Чихэнд чимэгтэй

2024-11-01

Улаанбаатар хотоос 860 км-ийн зайд, Дорнод аймгийн Матад суманд байрлах Хилийн цэргийн 0306 дугаар анги найман айлын орон сууц шинээр ашиглалтад оруулжээ. Хилчид сууцыг өөрсдөө барьж, өчигдөр алба хаагчдадаа хүлээлгэн өгсөн байна. Монгол улсын зүүн хязгаар дахь тус хилийн анги өнгөрсөн онд дулааны болон цэвэр, бохир усны шугамд холбогдсон долоо болон найман айлын орон сууцыг барьжээ. Мэнэнгийн отряд хэмээх, төв суурин газраас алслагдсан тус анги дэргэдээ 50 хүүхэд хүлээн авах чадалтай Матад сумын харьяа бага сургууль нээн гурав дахь жилдээ хичээллүүлж байна. Бага сургууль нээгдсэнээр 0306 дугаар ангийн хилчдийн хүүхдүүд 1-5 дугаар ангиа эцэг эхийн дэргэд сурах боломж бүрджээ.