Б.Баярцацрал "Гоёл-2023” наадмын топ модель болов

Н.Ариунсайхан

Чихэнд чимэгтэй

2022-11-28

"Гоёл 2023" наадам өчигдөр “Шангри Ла” зочид буудалд болж, шилдгийн шилдгүүдээ тодруулжээ. 33 дахь жилдээ зохиогдож буй уг тэмцээн жил бүрийн загварын чиг хандлагыг тодорхойлж, шилдэг дизайнеруудын урласан шинэ брэндүүдийг тайзнаа үзүүлдэг билээ. Энэ жилийн Гоёл наадмаар загвар өмсөгч Б.Баярцацрал топ моделиор шалгарсан байна. Энэ жилийн топ модель нь "Урлахуй брэнд"-ийн загварын даашинз өмсөж уг наадамд оролцжээ. Наадамд нийт 60 гаруй загвар өмсөгч шалгаран оролцсоноос шилдэг эмэгтэй загвар өмсөгчөөр М.Нармандах, шилдэг эрэгтэй загвар өмсөгчөөр Ачтай нар шалгарчээ. Ковидын улмаас хойшлогдоод байсан уг наадам хоёр жилийн дараа болж буй нь энэ юм.

Гэрэл зургийг: Daitan'na Takara