МУИС-ийн багш, оюутны үйлчилгээний төв ашиглалтад орно

Н.Ариунсайхан

Чихэнд чимэгтэй

2022-11-25

МУИС-ийн “Багш оюутанд үйлчлэх төв”-ийн барилгын ажил бүрэн дуусаж, ашиглалтад ороход бэлэн болжээ. Өнгөрсөн жилийн 5 дугаар сард эхэлсэн уг барилга нь зоорьтойгоо 5 давхар юм. Одоогоор барилгын инженерийн шугам сүлжээний холболтыг хийгээд тоног төхөөрөмжөө суурилууж эхэлжээ. Төвийн барилга доторх ус хангамжийг энгийн болон ахуйн ус хангамжийн системтэй байхаар шийдэж, барилгаас гарах бохир усыг өөрийн урсгалаар нь зайлуулахаар төлөвлөж байгаа аж. Энэ төвд ашиглалтад орсноор багш оюутнууд чөлөөт цагаа өнгөрүүлэх, хичээлээ давтах, сургалт судалгаанд хамрагдахаас гадна шаардлагатай байгаа оюутны дотуур байр, үйлчилгээний төвүүд байрлах юм байна. Зоорины давхартаа 10 авто машины зогсоол, техникийн өрөө бусад давхруудад хоолны газар, худалдаа үйлчилгээ, фитнес, эмчилгээний өрөө байрлах гэнэ. Мөн дээвэртээ хүлэмжтэй, барилгын гадна явган хүний зам талбай, авто зогсоол хийсэн бөгөөд ногоон байгууламжийг нэмж байгуулах аж.