“Хү” хамтлаг ЮНЕСКО-гийн элчээр сонгогдов

Н.Ариунсайхан

Чихэнд чимэгтэй

2022-11-25

Өнөөдөр НҮБ-ын төв байранд болох ёслолын үеэр “Хү” хамтлагийг ЮНЕСКО-гийн “Энх тайвны төлөөх уран бүтээлч”-ээр сонгосныг зарлахаар болжээ. ЮНЕСКО-гийн ерөнхий захирал Одри Азуле өнгөрсөн наймдугаар сард Монголд айлчлал хийх үеэрээ “Хү” хамтлагийн найман гишүүнтэй уулзаж, тэдний хөгжмийн хэв маяг, үзэл санаа нь ЮНЕСКО-гийн үнэт зүйл, үйл хэрэгт нийцэж байгаа хэмээн хэлжээ. Ялангуяа рок, хүнд металл урсгалыг ЮНЕСКО-гийн соёлын биет бус өвийн жагсаалтад орсон хөөмий, цуур, морин хуур зэрэг Монголын уламжлалт урлаг, хөгжмийн зэмсгүүдтэй хослуулдаг нь сонирхол татаж байгаа талаар тэрбээр ярьж байв. Хамтлагийн гишүүд ЮНЕСКО-гийн энэ чиглэлээр хэрэгжүүлж буй хөтөлбөрүүдийн төлөөлөгчөөр ажиллаж, холбогдох үйл ажиллагаанд оролцож, тус байгууллагын илэрхийлж буй үзэл санаа, дохиог дамжуулан хүргэж ажиллах юм.