Хилчид кураш бөхийн ДАШТ-ээс мөнгө, хүрэл медаль хүртлээ

Н.Ариунсайхан

Чихэнд чимэгтэй

2024-09-05

Тажикистан улсын нийслэл Душанбэ хотод өнгөрөгч наймдугаар сарын 28-31-ний өдрүүдэд Тажикистаны үндэсний кураш бөхийн ДАШТ болов. Тус тэмцээнд Тажикистаны бөхийн холбооны урилгаар манай улсын баг тамирчид оролцон хоёр медаль хүртжээ. Тэмцээний 52 кг-ын жинд өрсөлдсөн Хилийн цэргийн 0208 дугаар тусгай салбарын дэд ахлагч Г.Ганцэцэг мөнгө, Н.Баярмаа хүрэл медаль тус тус хүртсэн байна. Манай тамирчинд мөнгөн медалийг дагалдаж 10000 долларын шагнал иржээ. "Хилчин" спорт хороонд харьяалагддаг Г.Ганцэцэг нь жүдо, самбо, кураш бөхөөр барилддаг бөгөөд кураш бөхөөр дэлхийн хошой аварга болж байсан төдийгүй Ханжөүгийн Азийн наадамд оролцож байсан туршлагатай юм.