Триатлоны улсын аваргыг Хэнтийд тодруулна

Н.Ариунсайхан

Чихэнд чимэгтэй

2024-07-19

Дугуй унах, усанд сэлэх, гүйх зэрэг спортын гурван төрлийг нэг дор гүйцэтгэдэг триатлоны улсын аварга шалгаруулах тэмцээн энэ сарын 20, 21-нд Хэнтий аймгийн Цэнхэрмандал суманд болно. Тэмцээнд нас насны нийт 60 тамирчин 500 метрийн сэлэлт, 15 км-ийн дугуй, 5 км-ийн гүйлтээр өрсөлдөх бөгөөд АНУ, Япон, БНСУ-аас монгол тамирчид ирж оролцох ажээ. Энэ удаагийн тэмцээн кросс триатлоны дүрмээр зохиогдох бөгөөд тамирчид уулын дугуйгаар оролцоно. Манай улсад триатлоны УАШТ хамгийн анх 2005 онд Улаанбаатар хотод зохиогдож байв. Сонирхуулахад, энэ спортоор Монгол улсын ерөнхийлөгч асан Н.Энхбаяр, УИХ-ын гишүүн Х.Булгантуяа нар хичээллэдэг. Мөн энэ спортын уралдаан өвлийн улиралд гүйх, дугуй унах, гүйлтийн цанаар гулгах зэргээр болдог онцлогтой.