Хятад улс сарыг судлах ээлжит төхөөрөмжөө маргааш хөөргөнө

Б.Бадамзул

Анд нөхдийн мэдээ

2024-05-02

Хятад улс тавдугаар сарын 3-нд “Chang'e-6” сарыг судлах төхөөрөмжөө хөөргөх гэж байна. Уг төхөөрөмж сарны алс гадаргуу буюу дэлхий рүү хардаггүй тал дээр буун дээж цуглуулах гэж буйгаараа онцлог бөгөөд хүн төрөлхтний түүхэнд анх удаа ийн сарны цаад талаас дээж авчрах даалгавар гүйцэтгэх гэж байгаа юм. Төхөөрөмжийг “Long March-5 Y8” зөөгч пуужингаар хөөргөх бэлтгэлийг Хайнань мужийн Вэньчан дахь сансрын буудалд хийж байна. Тус улсын “Chang'e-5” төхөөрөмж 2020 онд сарнаас 1731 грамм дээж авчирсан билээ. Харин “Chang’e-7”-г 2026 онд хөөргөж сарны өмнөд туйл дээр буулгахаар төлөвлөсөн байна.