E-Mongolia: Цахимаар хаягаа шилжүүлэх боломжтой боллоо

Б.Бадамзул

Чихэнд чимэгтэй

2024-04-23

УИХ-ын 2024 оны ээлжит сонгууль ирэх зургаадугаар сарын 28-нд болох тул хуулийн дагуу энэ сарын 29-нөөс шилжилт хөдөлгөөнийг 60 хоногийн өмнө хязгаарлах билээ. Иймд төрийн үйлчилгээний “E-Mongolia” нэгдсэн системийг ашиглан хороо орохгүйгээр байнга оршин суугаа хаягтаа шилжин ирэх бүртгэлийг цахимаар өөрөө хийх боломжтой болжээ. Ингэхдээ өөрийн регистрийн дугаараар системд нэвтрэн орж “Иргэний шилжилт хөдөлгөөн” гэж хайгаад гарч ирсэн талбарыг бөглөж хүсэлтээ илгээснээр таны оршин суугаа хаяг өөрчлөгдөнө. Ийнхүү хаяг шилжүүлэх ажлыг цахимд шилжүүлснээр хугацаа хэмнэхээс гадна залуу сонгогчид сурч, ажиллан амьдарч байгаа газраасаа сонгууль өгч, иргэний улс төрийн эрхээ эдлэх боломж бүрдэж байгаа юм.