Автобусны жолооч нарыг үнэгүй сургана

Н.Ариунсайхан

Чихэнд чимэгтэй

2024-02-06

Улаанбаатар хотын захиргаанаас нийслэлийн өмчит автобусны компанид ажиллаад тэтгэвэрт гарах тохиолдолд жолоочид 24 сарын цалинтай тэнцэх тэтгэмж олгох зохицуулалтыг хийхээр болжээ. Мөн В, С ангиллын жолооны эрхтэй жолоочийг Зорчигч тээврийн нэгтгэл ОНӨААТҮГ-ын сургалтын төвд бүртгэж, автобусны мэргэшсэн жолоочийн сургалтад үнэ төлбөргүй хамруулах юм байна. Энэ зардлыг нийслэлийн нийтийн тээврийн баталсан төсвөөс гаргахыг Нийслэлийн Засаг дарга Х.Нямбаатар холбогдох албан тушаалтнуудад үүрэг болголоо. Мөн жолооч нарын цалинг 3.5 сая төгрөг болгож, хоёр ээлжээр ажиллах нөхцөлийг бүрдүүлэх ажээ.