Хятад: Нарны эрчим хүчээр халж, хөрдөг хувцас бүтээжээ

Б.Бадамзул

Анд нөхдийн мэдээ

2023-12-19

Хятадын эрдэмтдийн баг хүрээлэн буй орчны температурын хэлбэлзлийг үл харгалзан хүний биеийг дулаан, тав тухтай байлгах боломжтой уян хатан, бие даасан, нарны эрчим хүчээр ажилладаг хувцас зохион бүтээжээ. Уян хатан, нарны зайгаар ажилладаг хувцас нь нарны гэрлээс өөр ямар ч эрчим хүчний эх үүсвэр шаарддаггүй гэж "Science" сэтгүүлд баасан гарагт нийтлэгдсэн судалгаанд дурдсан байна. Өөрөөр хэлбэл, энэ хувцас өөр дээрээ нарны хавтантай бөгөөд тэр нь нарны гэрлээр цэнэглэгдэх тул өмссөн хүнийг халуунд сэрүүцүүлж, хүйтэнд дулаацуулах системтэй ажээ. Ингэснээр хүний биеийн дулааныг 32-36 хэм буюу орчны дулааныг 12.5-37.6 хэмд барих юм байна. Уг хувцас нь 12 цагийн турш нарны гэрлээс эрчим хүч хуримтлуулаад 24 цагийн турш ажиллана. Иймд судлаачид уг хувцсыг өмсөөд сансарт, өөр гараг дээр ажиллавал дулааны хэм зөрүүтэй эрс тэс тийм орчинд хүний биеийг тав тухтай, аюулгүй байлгана гэж үзжээ.