Эрдэнэт хотод 7000 айлын орон сууц барина

Б.Бадамзул

Чихэнд чимэгтэй

2023-09-29

Орхон аймгийн Баян-Өндөр сумын Уртын гол багийн 1.8 га талбайд барьж байгаа дөрвөн блок бүхий 260 айлын орон сууцны ажлын явцтай ерөнхий сайд Л.Оюун-Эрдэнэ өнөөдөр танилцжээ. Тус барилгыг Орхон аймаг, “Эрдэнэт” үйлдвэр хамтран 27.4 тэрбум төгрөгийн санхүүжилтээр 2021 оноос барьж байгаа юм. Өнгөрөгч долоодугаар сард барилгын В, D блокийг улсын комисс хүлээн авч 104 айлын байр ашиглалтад орсон байна. Одоогийн байдлаар С блок нь 80 хувийн гүйцэтгэлтэй, А блок нь 70 хувийн гүйцэтгэлтэй байгаа бөгөөд ирэх арванхоёрдугаар сард бүрэн ашиглалтад орох гэнэ. Уг орон сууцны 186 айлын байрын нэг м/кв-ыг 1.952.000 төгрөгөөр худалдах бол 70 айлын орон сууцыг дахин төлөвлөлт болон түрээслэх нөхцөлөөр иргэдэд олгох ажээ. Улмаар Эрдэнэт хотын арван байршилд 7000 айлын орон сууц барихаар төлөвлөсөн байна.