162 дугаар сургуулийн нэрийг Монгол, Оросын хамтарсан сургууль болгожээ

Н.Ариунсайхан

Чихэнд чимэгтэй

2023-08-30

Сонгинохайрхан дүүргийн дөрөвдүгээр хорооны нутаг дэвсгэрт байрладаг ерөнхий боловсролын сургуулийн 162 дугаар сургуулийг энэ хичээлийн жилээс Монгол Оросын хамтарсан ерөнхий боловсролын сургууль болгон өөрчиллөө. Засгийн газраас өнөөдөр хоёр улс хоорондын гэрээ байгуулах, ОХУ-аас ирж ажиллах багш нарт оршин суух зөвшөөрөл олгох, аюулгүй байдлыг хангах ажлыг зохион байгуулахыг холбогдох алба тушаалтнуудад үүрэг болгожээ. Тус сургуулийн шавийг 2019 онд тавьж, 640 хүүхдийн суудалтай 2022 онд ашиглалтад оруулжээ. Дээрх өөрчлөлтөөр сурагчдыг ямар нэгэн шалгалт, шалгаруулалтын дүнгээр бус хамран сургах тойргийн сурагчдаас эцэг эх, асран хамгаалагчдын саналыг харгалзан элсүүлэх юм байна.