Шинэ ургацын ногооны үзэсгэлэн худалдаа 11 дүгээр сар хүртэл гарна

Н.Ариунсайхан

Чихэнд чимэгтэй

2023-08-23

"Алтан намар-2023" хүнсний ногооны өргөтгөсөн худалдаа нийслэлийн 31 байршилд энэ сарын 2-ноос арваннэгдүгээр сарын 15-ны өдрийг хүртэл үргэлжилж буй. Улаанбаатар хотын захирагчийн албанаас нийслэлийн хүн амыг эх орны хөрсөнд ургасан шинэ ургацын төмс, хүнсний ногоогоор хангах, дархлааг дэмжих, нөөцлөх, нөөшлөх, даршлах боломжоор хангах, хангамж нийлүүлэлтийг нэмэгдүүлэх зорилгоор “Алтан намар” хүнсний ногооны өргөтгөсөн худалдааг жил бүр зохион байгуулдаг билээ. Тус үзэсгэлэн худалдаанд ихэвчлэн хөдөө орон нутгаас газар тариалан эрхлэгчид ирж оролцдог бөгөөд худалдаа эрхлэгчдээс түрээсийн төлбөр, нэмэлт хураамж авдаггүй байна. Хүнсний ногооны өргөтгөсөн худалдаа болж буй байршлуудын дэлгэрэнгүйг доорх хүснэгтээс үзнэ үү.