БНХАУ: Монгол хүүхдүүд роботын тэмцээнээс гурван медаль хүртэв

Н.Ариунсайхан

Чихэнд чимэгтэй

2023-08-21

Бээжин хотод энэ сарын 11-нээс 13-ны өдрүүдэд "Robot Challenge World-2023" тэмцээн болж өндөрлөлөө. Тус тэмцээнд манай улсаас "Монгол тэмүүлэл" сургуулийн Б.Ариунболор, Г.Шинэ-Од багштай 14 сурагч, "Шинэ эрин" сургуулийн Г.Идэржаргал багштай дөрвөн сурагч долоон төрөлд оролцсон бөгөөд монгол хүүхдүүд тус тэмцээнээс алт, мөнгө, хүрэл медаль хүртжээ. Тухайлбал, Mega sumo-adult төрөлд оролцсон багш Г.Шинэ-Од эхний өдөр хоёрдугаар байранд орсон байна. Харин тэмцээний сүүлийн өдөр манай улсын хоёр баг Robot rugby-senior төрөлд алт, хүрэл медалийн эзэд болжээ. Тэмцээнд 24 орны 3000 гаруй оролцогч, 1600 гаруй роботоор, 12 багц медалийн төлөө өрсөлдөж, 600 шүүгч, 220 байгууллага хамтран ажиллажээ.