Усан тээврийн 24 жолоочид мэргэжлийн үнэмлэх олгоно

Н.Ариунсайхан

Чихэнд чимэгтэй

2023-07-27

“Усан замчны толь бичиг” ТББ-ын төвд усан тээврийн 29 жолооч сургалтад хамрагдаж, ур чадварын шалгалт өгчээ. Тэднээс онол болон жолоодлогын ур чадварын шалгалтыг ЗТХЯ-ны харьяа Далайн захиргааны мэргэжлийн шалгалтын комисс авч, “Монголын завьчдын нэгдсэн холбоо” НҮТББ-ын төлөөлөл хөндлөнгийн гишүүнээр оролцсон байна. Ингэхдээ шалгалтыг Хөвсгөл аймгийн Хатгал тосгонд энэ сарын 7-9-ний өдрүүдэд, Архангай аймгийн Өгийнуур суманд энэ сарын 24-25-ны өдрүүдэд тус тус зохион байгуулжээ. Шалгалтад нийт хамрагдсан иргэдээс 24 нь тэнцсэн бөгөөд тэдний мэдээллийг бүртгэлийн программд оруулж, холбогдох журмын дагуу Усан замын тээврийн хэрэгслийн жолоочийн үнэмлэхийг Далайн захиргаанаас олгоно.