Хөххотод хоёр улсын хамтарсан эрдэс боловсруулалтын лаборатори байгуулна
Өвөр Монголын Хөх хотод эрдэс боловсруулалтын “Бүс ба зам” хамтарсан лаборатори байгуулах төслийн нээлт өнгөрсөн долоо хоногт боллоо. Тус үйл ажиллагаанд ШУА-ийн ерөнхийлөгч Д.Рэгдэл тэргүүтэй төлөөлөгчид Монголын талаас оролцжээ. Энэ үеэр тус хамтарсан лабораторийн Эрдмийн зөвлөлийн гишүүнээр академич Т.Ган-Эрдэнэ сонгогдож, зөвлөлийн анхдугаар хуралдаанд оролцсон байна. Мөн нээлтийн үеэр болсон эрдэм шинжилгээ, судалгааны ажлын хэлэлцүүлэгт ШУА-ын доктор Т.Аззаяа “Хотгор ордын газрын ховор элементийн хүдрийг боловсруулах хими технологи”, Органик бус химийн лабораторийн эрхлэгч, доктор Ш.Нямдэлгэр “Асгатын ордын мөнгө-полиметаллын хүдрийг боловсруулах нь” судалгааны дүнг танилцуулжээ.
ТӨСТЭЙ МЭДЭЭ
Сэтгэгдэл (0)
ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.