Наадмын үеэр хоол үйлдвэрлэл, худалдаа эрхлэх хүсэлтийг өнөөдрөөс авна

Н.Ариунсайхан

Чихэнд чимэгтэй

2023-06-28

Үндэсний их баяр наадмын үеэр хоол үйлдвэрлэл, худалдаа эрхлэх хүсэлтэй иргэдийг өнөөдрөөс эхлэн хоёр хоногийн хугацаанд цахимаар бүртгэхээр болжээ. Иргэдэд хоол үйлдвэрлэл, худалдаа явуулах зөвшөөрөл олгохын тулд тухайн дүүрэгт тогтвортой үйл ажиллагаа явуулдаг, стандартын шаардлага хангасан гал тогоо, тоног төхөөрөмж, багаж хэрэгсэл, мэргэжлийн ажиллах хүчинтэй байх шаардлага тавих гэнэ. Мөн хоол үйлдвэрлэл, хүнс, гар урлал, бэлэг дурсгалын худалдаа эрхлэх бүртгэлийн хуудас, тогоочийн мэргэжлийн үнэмлэх, тогооч болон ажилтнуудын эрүүл мэндийн урьдчилан сэргийлэх үзлэг шинжилгээнд хамрагдсан бичиг баримтыг бүрдүүлэх хэрэгтэй юм. Бүртгэлийн цахим холбоос: https://service.ulaanbaatar.mn/home