Агаарын цэргийн эмэгтэй алба хаагчид АНУ-д суралцахаар мордов

Н.Ариунсайхан

Чихэнд чимэгтэй

2023-06-08

Агаарын цэргийн командлалын харьяа Зэвсэгт хүчний 065 дугаар ангийн холбоо ротын станцын дарга Б.Хулан, тус ротын тасгийн дарга М.Ариунтуяа нар энэ сарын 5-ны өдөр АНУ руу морджээ. Тэд АНУ-ын Агаарын цэргийн ахлагчийн удирдлагын анхан шатны дамжаанд хамрагдах эрхээ авсан бөгөөд Зэвсэгт хүчний жанжин штабын харьяа гадаад хэлний сургалтын төвд хэлний бэлтгэлээ хийжээ. Зэвсэгт хүчний Агаарын цэргийн штабын дарга, бригадын генерал Б.Эрдэнэбат тэднийг хүлээн авч уулзаад, агаарын цэргийн харьяа анги, салбаруудаас анх удаа тэр дундаа эмэгтэй цэргийн алба хаагчид дээрх дамжаанд суралцах болсонд баяр хүргэж, үүрэг хариуцлагаа ухамсарлан сайн суралцаж, залуу ахлагч нартаа үлгэрлэхийг хүссэн байна.