Инфляц өнгөрсөн оноос 11.3 хувиар өсжээ

Н.Ариунсайхан

Чихэнд чимэгтэй

2023-05-10

Үндэсний статистикийн хорооноос өчигдөр хэрэглээний бараа бүтээгдэхүүний үнийн өсөлтийн талаар мэдээллээ. Хэрэглээний үнийн индексээр хэмжигддэг инфляц өнгөрөгч дөрөвдүгээр сард өмнөх оны мөн үеэс 11.3 хувиар өсжээ. Харин өмнөх оны эцсээс 4.7 хувь, өмнөх сараас 1.3 хувиар өссөн байна. Энэ өсөлт нь импортын бараа, ялангуяа хүнсний бүтээгдэхүүний үнэ өссөнтэй холбоотой ажээ. Далайд гарцгүй манай улс өргөн хэрэглээний бараа, үйлчилгээний 400 гаруй нэр төрлийн барааны талаас илүү хувийг импортоор авдаг. Манай улс энэ оны эцэс гэхэд инфляцийн түвшинг нэг оронтой тоонд хүргэх зорилт тавьсан юм.