ЗТХЯ: Монголд автомашин үйлдвэрлэх эрх зүйн орчин бүрдлээ

Н.Ариунсайхан

Чихэнд чимэгтэй

2023-03-31

1958 онд Женев хотноо баталсан НҮБ-ын “Дугуйт тээврийн хэрэгслүүд, тэдгээрт суурилуулан ашиглах тоног төхөөрөмж, эд ангид зориулсан техникийн дүрмийг хэрэглэх, тус дүрэмд үндэслэн олгосон баталгааг харилцан хүлээн зөвшөөрөх нөхцлийн тухай" хэлэлцээрийг өчигдрийн УИХ-ын чуулганаар соёрхон баталлаа. Тодруулбал, тус хэлэлцээрийг Засгийн газраас нэгдүгээр сарын 16-ны өдөр УИХ-д өргөн мэдүүлсэн нь ийнхүү батлагдсан байна. Ингэснээр манай улс автомашин, түүний эд ангийг олон улсын стандартын цогц шаардлагын дагуу үйлдвэрлэж, дээрх хэлэлцээрт нэгдэн орсон орнууд руу экспортлох юм.