Эмэгтэй боксчид ДАШТ-д оролцохоор Энэтхэгийг зорив

Н.Ариунсайхан

Чихэнд чимэгтэй

2023-03-13

Эмэгтэйчүүдийн сонирхогчдын дэлхийн аварга шалгаруулах боксын тэмцээн энэ сарын 15-наас 26-ны өдрүүдэд Энэтхэгийн Шинэ Дели хотноо болно. Манай улсаас тус тэмцээнд оролцохоор насанд хүрэгчдийн улсын аварга найман тамирчин, гурван дасгалжуулагчийн хамт өнөө өглөө эх орноосоо мордсон байна. Тухайлбал, "Аврагч" спорт хорооноос 48 кг-д Л.Алтанцэцэг , 52 кг-д О.Есүгэн, 63 кг-д У. Шинэцэцэг зэрэг тамирчид оролцох бол "Хангарьд" клубээс 50 кг-д Б. Мөнгөнсаран, 57 кг-д М. Намуун, 67 кг-д М,Цэцэгдарь нар, "Алдар" спорт хорооноос 54 кг-д М.Энхжаргал, "Хилчин" клубээс 60 кг-д Т. Номин-Эрдэнэ тус тус өрсөлдөхөөр болсон байна.Энэ удаагийн ДАШТ-ий шагналын сан 2.4 сая ам.доллар юм.