Тээврийн цагдаагийн алба камерын чанаргүй бичлэгийг тодруулдаг программтай боллоо
Цагдаагийн ерөнхий газрын харьяа Тээврийн цагдаагийн албанд өчигдөр “MD Video AI” нэртэй программыг хүлээлгэн өгчээ. Тус программ нь хэргийн газраас хураан авсан чанарын шаардлага хангахгүй камерын бичлэгийг тодруулах, гэмт хэрэг үйлдсэн этгээдийн царай төрх болон бусад эд зүйлийг таньж олох, нотлох баримт бүрдүүлэхэд чухал ач холбогдолтой юм байна. Мөн эвдэрсэн гар утсан дахь хэрэгтэй программ болон зураг, бичлэгийг сэргээдэг ажээ. Өнөөдрийн байдлаар Улаанбаатар хотын 176 уулзвар, гарцад нийт 2606 ухаалаг камер ажиллаж байна. Камеруудыг хянадаг Нийслэлийн камерын хяналтын нэгдсэн төв гэмт хэрэг, зөрчлийг илрүүлэх AI бүхий камерын системээр бүрэн хангагдсан бөгөөд “MD-Video AI” программаар илүү нарийвчлалтай мэдээллийг олж авах боломж бүрдэнэ. Сонирхуулахад, БНСУ-ын GMD компанийн бүтээсэн “MD-Video AI” программыг дэлхийн 76 улсын цагдаагийн байгууллага хэрэглэж байна.
ТӨСТЭЙ МЭДЭЭ
“Mongol TV”-ээр Өмнөд Солонгосыг сурталчилна
2025-04-03
Өсвөрийн хөлбөмбөгчид Англи руу нислээ
2025-04-02
Сэтгэгдэл (0)
ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.