Дархан-Уул аймгийн тусгай хэрэгцээт тамирчид Улаанбаатар хотын аварга шалгаруулах тэмцээнд түрүүлжээ
Улаанбаатар хотын аварга шалгаруулах 28 дахь удаагийн “Ирээдүйн мистер-2025” бодибилдинг, фитнессийн тэмцээн өнгөрөгч сарын 29-ний өдөр боллоо. Өнгөрсөн жил тус тэмцээнд давтагдсан тоогоор 350 тамирчин оролцож байсан бол энэ жил шинэ залуу тамирчдаар хүрээгээ тэлж нийт 600 гаруй тамирчин өрсөлджээ. Мөн энэ удаагийн тэмцээн 15 төрөл, 30 ангиллаар болсны дотор тусгай хэрэгцээт болон жингээ хасаж буй иргэдэд зориулсан ангиллаар тэмцээн явуулсан байна. Тухайлбал, тусгай хэрэгцээт ангилалд эмэгтэйчүүдээс Дархан-Уул аймгийн тамирчин Ц.Хулан алт, Д.Мөнхнамуун хүрэл медаль хүртсэн бол мөнгөн медалийг Улаанбаатар хотоос оролцогч М.Золзаяа авсан байна. Харин эрэгтэйчүүдийн ангилалд Дархан-Уул аймгаас оролцогч Г.Ган-Эрдэнэ түрүүлжээ. “Ирээдүйн мистер-2025” тэмцээнд тусгай хэрэгцээт ангиллын тамирчид УАШТ-ээс медаль авсан эсэхээс үл хамааран оролцох эрхтэй байжээ.
ТӨСТЭЙ МЭДЭЭ
Сэтгэгдэл (0)
ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.