Төв аймгийн 9 настай охин дэлхийн шатрын дэд аварга болжээ
Сурагчдын шатрын дэлхийн аварга шалгаруулах тэмцээн өнгөрөгч гуравдугаар сарын 28-ны өдөр Сербийн Врнячка-Баня хотод зургаан насны ангиллаар болж, 44 орны 470 гаруй сурагч өрсөлдлөө. Энэ тэмцээнд манай улсаас гурван дасгалжуулагчийн хамт 31 шатарчин оролцож, гурав нь медаль хүртжээ. Тухайлбал, Төв аймгийн Зуунмод сумын харьяат, 9 настай Ш.Уранзаяа мөнгөн медалийн эзэн болов. Тэрбээр сүүлийн өрөгт Туркийн шатарчин Ортен Томристой учраа таарсан бөгөөд олон улсын анхны медалиа авч, Олон улсын шатрын дэд мастер цолны болзол давхар биелүүллээ. Охидын 17 хүртэлх насны ангилалд ФИДЕ-гийн дэд мастер Б.Буянхишиг, 11 насны ангилалд ФИДЕ-гийн дэд мастер Ч.Нандинжигүүр алтан медаль авсан байна. Ш.Уранзаяа охин шатрын спортоор дөрвөн настайгаасаа хичээллэж эхэлсэн бөгөөд аав нь Улаанбаатар хотод байдаг "Стейниц" шатрын академид түүнийг Төв аймгаас өдөр бүр хүргэж өгдөг гэнэ.
Ш.Уранзаяа охины манай сайтад 2023 онд өгч байсан ярилцлага.
ТӨСТЭЙ МЭДЭЭ
Сэтгэгдэл (0)
ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.