Монголын тамирчин Ц.Раднаа, Т.Цэрэндолгор нар ДАШТ-ий алтан медалиудыг хамав
Хөнгөн атлетикийн мастеруудын заалны дэлхийн аварга шалгаруулах тэмцээн энэ сарын 23-30-ны өдрүүдэд АНУ-ын Флорида мужийн Алачуа хотод болж өндөрлөлөө. Тус тэмцээний зургаан төрөлд оролцсон Монголын хөнгөн атлетикийн ахмад тамирчин Ц.Раднаа бүгдээс нь алтан медаль хүртсэн байна. Тухайлбал, 60, 200, 400, 800, 1500 метрийн гүйлт болон гурвын харайлтын төрөлд түрүүлснээс гадна 60, 1500 метрийн төрөлд дээд амжилт шинэчлэн тогтоожээ. Мөн Монголоос оролцсон Гавьяат тамирчин Т.Цэрэндолгор зээрэнцэг болон жад шидэлт, бөөрөнцөг түлхэлт, weight throw, дүүгүүр шидэлтийн төрлүүдэд таван алтан медаль хүртжээ. Сонирхуулахад, Өвөрхангай аймгийн Уянга сумын уугуул Т.Цэрэндолгор нь 18 наснаасаа хөнгөн атлетикийн спортоор хичээллэж эхэлсэн бөгөөд улсын дээд амжилтыг 18 удаа ахиулж, мастеруудын ДАШТ-ээс ийнхүү 15 дахь алтан медалиа хүртсэн байна. Тамирчин Ц.Раднаа өдгөө 90 настай бол Т.Цэрэндолгор 86 настай юм.
ТӨСТЭЙ МЭДЭЭ
Сэтгэгдэл (0)
ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.