Олимпод оролцох сагсан бөмбөгийн эрэгтэй багууд тодров
Сагсан бөмбөгийн төрөлд Олимпын эрх олгох сүүлийн тэмцээн ням гарагт болсноор Парисын Олимпод оролцох багууд бүгд тодорхой боллоо. Энэ тэмцээний өмнө Япон, Америк, Австрали, Канад, Герман, Франц, Серби, Өмнөд Суданы багууд Олимпод оролцох нь тодорхой болсон бол энэ удаа Грек, Испани, Бразил, Пуэрто Рико улсын багууд нэмэгдлээ. Тухайлбал, Грекийн баг Хорватыг ялж гарч ирэхэд NBA-н шилдэг тамирчин Яннис Антэтокоунмпо чухал үүрэг гүйцэтгэж тэрбээр анх удаа Олимпын наадамд хүч үзэх эрхээ авсан байна. Харин Испанийн тамирчид Багамын арлын багийг ялж дараалан долоо дахь удаагаа Зуны Олимпод оролцохоор болов. Ийнхүү Грек, Испани улс Австрали, Канадтай нэг хэсэгт өрсөлдөхөөр болжээ. Харин Бразилын баг Латвийн тамирчдыг хожсоноор Олимпод Франц, Герман, Японы багтай нэг хэсэгт тоглохоор хуваарилагдлаа. Пуэрто Рико улсын баг Литвийн багийг хожиж С хэсэгт АНУ, Серби, Өмнөд Суданы багтай тоглохоор болов.
ТӨСТЭЙ МЭДЭЭ
Болгар, Румын хоёр улс Шенгений бүсэд нэгдэв
2024-12-13
Сэтгэгдэл (0)
ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.