“Говь” компанийн бүтээгдэхүүн “OEKO TEX-STANDARD 100” гэрчилгээгээр баталгаажлаа

Б.Бадамзул

Чихэнд чимэгтэй

2024-02-23

“Говь” компанийн ноолууран бүтээгдэхүүн хүний биед ямар нэг харшил үүсгэж, сөрөг нөлөө үзүүлдэггүй болохыг олон улсын стандартаар баталгаажууллаа. Тодруулбал, Швейцар улсын Цюрих хотод төвтэй “OEKO-TEX” байгууллагаас олгодог “Standart 100” гэрчилгээг тус компани Монголоос анх удаа бэлэн бүтээгдэхүүн дээр авсан байна. Гэрчилгээ авах ажлыг Монгол улсын Засгийн газрын "Экспортыг дэмжих төсөл"-ийн хүрээнд UNIDO буюу НҮБ-ын ҮХБ-ын тэтгэлгээр хийсэн аж. 2019 оны байдлаар уг гэрчилгээг дэлхийн 100 гаруй орны 16 мянга гаруй үйлдвэр, брэндүүд авсан байжээ. Мөн тэдгээрийн ихэнх нь даавуун материалаар бүтээгдэхүүн урладаг аж.