Хойд Солонгос хиймэл дагуулаа сансрын тойрог замд орууллаа

Б.Бадамзул

Анд нөхдийн мэдээ

2023-11-23

Хойд Солонгосын хөөргөсөн тагнуулын хиймэл дагуул сансрын тойрог замд амжилттай орсныг тус улсын мэдээллийн төв агентлагаас мэдээллээ. “Malligyong-1” хиймэл дагуулыг “Chollima-1” зөөгч пуужингаар мягмар гарагийн шөнийн 10:54 цагт хөөргөжээ. Улмаар удирдагч Ким Жон Ун хөөргөх талбайд очиж пуужин хөөрөхийг харж, шинжлэх ухааны судлаач, техникийн ажилтнуудад баяр хүргэсэн байна. Тус улс энэ онд цэргийн зорилготой хоёр ч хиймэл дагуул хөөргөсөн нь амжилтгүй болсон юм. Гэхдээ Хойд Солонгосын энэ мэдээллийг Японы Засгийн газар "Дэлхийн тойрог замд орсон эсэх нь баталгаагүй" хэмээснийг "Киодо" мэдээллийн агентлаг уламжиллаа.