Их Британийн онгоцууд Ираны хөөргөсөн нисгэгчгүй онгоцуудыг устгав
Иран улс Израилийн эсрэг агаарын цохилт өгч эхлэхэд Их Британийн сөнөөгч онгоцууд Ираны зарим нисгэгчгүй онгоцуудыг сөнөөсөн байна. “Daily Telegraph” сонин мэдээлснээр Их Британийн сөнөөгч онгоцууд Кипрээс хөөрч, Ирак, Сирийн хилийн ойролцоо олон тооны дроныг устгажээ. Үүнтэй холбогдуулан Их Британийн Батлан хамгаалахын сайд Грант Шакс 14-ний өглөө хийсэн мэдэгдэлдээ "Бүс нутагт мөргөлдөөн хурцадсанд хариу арга хэмжээ авч, холбоотнуудтайгаа хамтран ажиллахын тулд ерөнхий сайд Риши Сунак агаарын цэргийн хүчний нэмэлт зэвсэг техникийг байршуулахыг зөвшөөрсөн" гэжээ. Улмаар "Лалын улс" (ISIS) бүлэглэлийн эсрэг Их Британийн "Operation Shader" ажиллагаанд Агаарын цэргийн хүчний онгоцууд болон агаарт түлш цэнэглэх онгоцууд нэмэгдэх бөгөөд эдгээр онгоц шаардлагатай бол тус улсын нутаг дэвсгэрт хийсэн аливаа халдлагыг даруй зогсоох болно" гэжээ. Израилийн цэргийн хэвлэлийн төлөөлөгч Даниел Хагари Францын зэвсэгт хүчин ч мөн Израилийн агаарын орон зайг хамгаалахад тусалсан гэж мэдэгдсэн байна.
ТӨСТЭЙ МЭДЭЭ
Сэтгэгдэл (0)
ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.