Тоглолтынх нь үеэр нас барсан эмэгтэйн ар гэрийнхэнтэй Тэйлор Свифт биечлэн уулзжээ

Д.Бизьяа

Анд нөхдийн мэдээ

2023-11-28

Дуучин Тэйлор Свифтийн тоглолтын үеэр амиа алдсан эмэгтэйн ар гэрийнхэнтэй Т.Свифт өөрөө биечлэн уулзаж, уй гашууг нь хувцаалцан сэтгэлийн дэм хайрлажээ. Энэ сарын 17-ны өдөр Рио-де-Жанейро хотод болсон "Eras Tour" аялан тоглолтын үеэр нас барсан талийгаач Кларагийн ар гэрийнхнийг дуучин дараагийн тоглолтдоо урьж оролцуулсан байна. Тэд тоглолт үзсэний дараа Т.Свифттэй уулзаж талийгаачийн зураг бүхий цамц өмсөн хамтдаа зургаа татуулжээ. Талийгаач Клара түүний тоглолтын үеэр гэнэт ухаан алдаж унаад газар дээрээ амьсгал хураасан юм. Үүнийг сонссон алдарт дуучин Инстаграм хуудсандаа "Зүрх минь эмтэрч байна. Би үгээр хэлэхийн аргагүй гүн цочролд орлоо. Түүний гэр бүл, найз нөхдөд гүн эмгэнэл илэрхийлж байна" гэсэн байна. Тэр үеэр Бразилд хэт халуун болж, Рио-де-Жанейро хотод 39.1 хэм хүрч байжээ. Т.Свифтийн “Eras Tour” ирэх оны хоёрдугаар сард Японд болно.