Оросын Мариинский театр "Нойрсож буй гоо бүсгүй" бүжгэн жүжгээ Хойд Солонгост тоглоно

Д.Бизьяа

Анд нөхдийн мэдээ

2023-11-27

БНАСАУ-ын удирдагч Ким Жон Ун ОХУ-д айлчлахдаа үзсэн Оросын балетын жүжгийг ирэх жил Хойд Солонгост тоглохоор болжээ. Оросын Мариинскийн театрын Владивосток дахь салбар ирэх оны гуравдугаар сард Хойд Солонгост "Нойрсож буй гоо бүсгүй" бүжгэн жүжгээ тоглохоор болсон тухай ТАСС агентлаг мэдээлэв. Хойд Солонгост тоглолтын тасалбарыг үнэ төлбөргүй байдаг. Приморийн хязгаарын захирагч Олег Кожемяко “Хойд Солонгост тоглуулах бүжгэн жүжгийг бэлтгэл байдлаар Алс Дорнодын холбооны их сургуулийн оюутнуудад үзүүлсэн” гээд “Хойд Солонгост Ким даргын үзсэн тоглолтыг бүх иргэд нь үзэхийг хүсдэг” гэжээ. Ким Жон Ун өнгөрсөн есдүгээр сард БНАСАУ-ОХУ-ын дээд хэмжээний уулзалтад оролцохоор Алс Дорнодод айлчлахдаа Владивосток хотын Мариинскийн театрт "Нойрсож буй гоо бүсгүй" бүжгэн жүжгийг үзсэн юм.