Хилийн чанад дахь монголчуудын баяр наадам ирэх амралтын өдрүүдэд болно

Б.Бадамзул

Дэлхий дүүрэн монголчууд

2023-06-30

Унгар улсад суугаа монголчууд тулгар төрийн 2232 жил, Их Монгол улс байгуулагдсаны 817 жилийн Үндэсний их баяр наадмаа долдугаар сарын 1-нд, Лондон хотынх долдугаар сарын 2-нд, АНУ-ын Калифорни мужийн Бэй Аэриагийн монголчууд долдугаар сарын 8-нд хийх тов гарчээ. Наадмын хөтөлбөрт нь бөх, шагайн харваа, хүүхдийн гүйлтийн болон уран зургийн тэмцээн, шилдэг үндэсний хувцастай хос шалгаруулах тэмцээнүүд багтсан байна. Мөн энэ жил Монгол, Канад улсууд дипломат харилцаатай болсны 50 жилийн ойг тохиолдуулан Канадын хотуудаар "Монгол наадам" баярыг өргөн дэлгэр тэмдэглэх бөгөөд наадам долдугаар сарын 2-нд Оттава хотоос эхэлнэ.