Испанийн “Villareal” хөлбөмбөгийн багтай гэрээ байгуулсан монгол хүү Батчулуун гэж хэн бэ?
Испанийн мэргэжлийн хөлбөмбөгийн “Villareal” клубийн залуучуудын багт монгол хүү Самуэл Рамирес Батчулуун өнгөрсөн оны наймдугаар сард нэгдсэн билээ. Тухайн үед энэ талаар Колумбын nacionfutbol.com.co сайтад ““Villareal” багт тоглодог, 1.95 см өндөр, 16 настай хүү: Колумбын үндэсний шигшээ багийн ирээдүйн хаалгач” гэсэн нийтлэл гарч байв. Тэрбээр колумб аав, монгол ээжтэй бөгөөд 2008 онд Макаод төрсөн тул Хятадын иргэншилтэй ажээ. Энэ тухай дээр дурдсан сайтад “Түүнд өөр өөр үндэсний шигшээ багт тоглох олон боломж бий” гэж бичсэн юм. Учир нь, тэр Монгол, Хятад, Колумбын шигшээ багт тоглох боломжтой. Тэрбээр өнгөрөгч наймдугаар сард “Villareal” багийн доод зиндаанд бэлтгэл хийж эхэлсэн бөгөөд гурван сая долларын үнийн дүнтэй гурван жилийн хугацаатай гэрээ байгуулсан байна. Батчулуун есөн настайдаа Колумбын “Millonarios” клубт элссэн бөгөөд дараа нь Испанийн “Deportivo Alavés” багт тоглож байгаад “Villareal” багт очсон юм. Тэрбээр Колумбын “Caracol” радиод өгсөн ярилцлагадаа “Миний мөрөөдөл бол Колумбын шигшээ баг, “Villareal” клубийн үндсэн багт тоглох. Би тус багтай гурван жилийн гэрээ байгуулсан, бас цалин авч байгаа. Мөн оршин суугаа газартаа ойрхон сургуульд орсон” гэжээ. 2024 оны 12 дугаар сарын байдлаар Колумбын шигшээ баг дэлхийд 12 дугаарт эрэмбэтэй байна. Батчулууны шүтдэг тамирчин нь тус багийн хаалгач Давид Оспина ажээ. Харин "Villareal" баг дэлхийд болон тивдээ 20, улсдаа тавдугаарт орж байна.
ТӨСТЭЙ МЭДЭЭ
Морин хуурын чуулга Истанбулд тоглоно
2025-01-17
Сэтгэгдэл (0)
ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.