“Чингис хаан” музейн дэргэдэх чуулга Берлин, Лайпциг хотуудад тоглоно
Монголын үндэсний хөгжмийн “Хаан найрал” чуулга Цагаан сарын баярыг тохиолдуулан Германы Берлин, Лайпциг хотуудад тоглохоор болжээ. “Чингис хаан” музейн дэргэд байгуулагдаж 2023 оны 11 дүгээр сарын 26-нд буюу Монгол улс Анхдугаар үндсэн хуулиа баталсан өдөр нээлтээ хийсэн тус чуулга Чингис хаанаас эхлээд Лигдэн хутагт хүртэлх Монголын хаадын ордны найрал хөгжимд уламжлагдан ирсэн 21 төрлийн 38 хөгжмийн зэмсгээр тоглодог. Германд болох тоглолт хоёр хэсэгтэй бөгөөд эхний хэсэгт, археологийн олдвор, бусад биет өвүүдэд тулгуурлан сэргээсэн эдгээр эртний хөгжмөөр тоглох бол хоёрдугаар хэсэг нь ардын хөгжим, дуу, бүжгийн тоглолтуудыг үзэгчдэд толилуулна. Гуравдугаар сарын 7-нд болох эхний тоглолт Берлин хотын “James Simon” урлагийн галерейд, дараагийнх нь 8-ны өдөр Дрезден хотын хамгийн алдартай сүмийн нэг “Dreikönigskirche”-гийн танхимд товлогдсон байна. Тасалбар 26-32 еврогийн үнэтэй бөгөөд тоглолтын дундуур хөнгөн зууш, ундаагаар үйлчлэх ажээ.
Гэрэл зургийн эх сурвалж: www.hdk-dkk.de
ТӨСТЭЙ МЭДЭЭ
Морин хуурын чуулга Истанбулд тоглоно
2025-01-17
Сэтгэгдэл (0)
ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.