Японоос Өвөрхангайд ирсэн бэлэг
Японы Хоккайда мужийн Тачикава хотоос Өвөрхангай аймгийн Онцгой байдлын газарт аврах ажиллагааны “Toyota Niace” автомашин, сурагчдад 200 ширхэг цүнх хандивлалаа. Өнгөрөгч 4 сарын сүүлчээр Японы “The Hokkaido Shimbun Press” сонин “Тачикава хотоос Өвөрхангайн сурагчдад 100 ширхэг цүнх хичээлийн шинэ жил эхлэхээс өмнө хандивлахаар төлөвлөж байна” хэмээн мэдээлж байсан юм. Тэгвэл өнөөдөр Өвөрхангай аймагт 200 ширхэг цүнх илгээснийг Арвайхээр хотын 13 багийн хүүхдүүдэд тараажээ. Хакүхо аварга 2010 онд Тачикава хотын аялал жуулчлалын элч төлөөлөгчөөр сонгогдсон тэр үеэс Өвөрхангай аймагтай хамтын ажиллагаа явуулж эхэлсэн байна. Тус хот 2020 онд гал унтраах автомашин мөн хандивлаж байжээ.
ТӨСТЭЙ МЭДЭЭ
Эрт илрүүлэгт хүн амын тал нь хамрагджээ
2024-12-10
Мал тооллого эхэллээ
2024-12-10
Сэтгэгдэл (1)
ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
