Хүндийн өргөлтийн ДАШТ ба М.Анхцэцэгийн амжилт (инфографик)
Хүндийн өргөлтийн дэлхийн аварга шалгаруулах тэмцээн Колумбын Богота хотод 12 дугаар сарын 5-16-ны хооронд болох гэж байна. Тус тэмцээнд манай улсаас Үндэсний шигшээ багийн дасгалжуулагч Ц.Хосбаярын удирдлага дор Гавьяат тамирчин М.Анхцэцэг, Олон улсын хэмжээний мастер Г.Ануужин, О.Дархижав, Э.Энхтамир нар оролцоно. Уг тэмцээн нь “Парис 2024” Олимпын эрх олгох анхны тэмцээн юм. Тиймээс Олимпын хорооны албан ёсны сайтаар шууд дамжуулах аж. Зуны Олимпын 33 дахь удаагийн наадамд оролцох хүндийн өргөлтийн тамирчдыг энэ оны 8 дугаар сарын 1-нээс 2024 оны 4 дүгээр сарын 28 хүртэлх хугацаанд оролцсон тив, дэлхийн чанартай тэмцээнүүдийн оноогоор шалгаруулна.
Америкт болсон 2017 оны ДАШТ-ээс М.Анхцэцэг хүрэл медаль хүртэж эх орондоо дэлхийн аваргын анхны медалийг авчирч байв. Түүний медаль авсан 12 дугаар сарын 3-ны өдөр Монголын хүндийг өргөгчдийн баярыг тэмдэглэдэг. Гавьяат тамирчин М.Анхцэцэг Монголын эмэгтэйчүүдийн хүндийн өргөлтийн рекордыг 70 гаруй удаа шинэчилж, 2021 онд дэлхийн аварга болсон билээ.
Түүний тив, дэлхийн тэмцээнд гаргасан амжилтыг доорх инфографикаас үзнэ үү.
Инфографикийг Б.Бадамзул (duuren.life)
ТӨСТЭЙ МЭДЭЭ
Эрт илрүүлэгт хүн амын тал нь хамрагджээ
2024-12-10
Мал тооллого эхэллээ
2024-12-10
Сэтгэгдэл (0)
ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.