Бага оврын онгоцоор 2300 км нисэж дээд амжилт тогтоожээ

Б.Бадамзул

Анд нөхдийн мэдээ

2024-10-31

Хятадын хөнгөн загварын онгоц үйлдвэрлэгч “Shanhe” компанийн дөрвөн нисгэгч бага оврын онгоц жолоодон Өвөр Монголын Алшаа аймгаас зүүн урагш Хөнань мужийн Жүжөү хот хүртэл 2300 км нисэж Хятадын хөнгөн онгоцоор туулсан нислэгийн зайн дээд амжилтыг эвджээ. Нисгэгчид Алшаа аймагт агаарын үзүүлбэр үзүүлээд буцахдаа “Aurora” онгоцоор компанийнхаа төв байр луу буюу Жүжөү хот руу ниссэн байна. Тэд найман мужийн нутгийг дамнан нисэхдээ Хөх мөрөн, уулс, элсэн цөлөөс гадна Шар мөрний дээгүүр гурвантаа нисэн өнгөрчээ. Мөн тогтмол 3600-4200 метрийн өндөрт нисэж, замдаа нисэх онгоцны гурван буудалд түр буудалласан аж.