10 баримт: Вьетнамын цагдаагийн албанд зүтгэж буй монгол морьд

Н.Ариунсайхан

10 баримт

2024-10-04

Вьетнамын ерөнхийлөгч То Лам саяхан манай улсад төрийн айлчлалаар ирээд буцахдаа Монгол улсын Ерөнхийлөгч У.Хүрэлсүх болон Засгийн газартай харилцаа хамтын ажиллагаагаа өргөжүүлэн хөгжүүлэх талаар санал солилцож, хэд хэдэн санамж бичигт гарын үсэг зурсан билээ. Үүний нэг нь Вьетнамын цагдаагийн албанд үүрэг гүйцэтгэж буй  монгол морьдийг эх оронд нь авчрах ажлыг Засгийн газар хариуцан, хамтран  зохион байгуулахаар тогтсон байна. Тэгвэл Вьетнамд буй монгол морьдын талаарх 10 баримтыг хүргэе.

1. Өндөр уул, ширэнгэн ой, хад газар ихтэй Вьетнам улсын Ханой хотод 2020 онд морьт эргүүлийн цагдаагийн алба шинээр байгуулагджээ.

2. Монгол, Вьетнам улсууд олон жилийн найрамдалт харилцаатай учир тухайн үед  81 адуу, дөрвөн азарга, 20 гүү нийт 108 адууг тус улсад аваачсан байна.

3. Одоо эдгээр адуу өсч үржээд 140 гаруй болжээ.

4. "Монгол морьд вьетнам хүмүүсээс их хангамж авч, илүү орчинд амьдарч, арчлуулж, тэднээс илүү үнэтэй хоол иддэг" гэж Гадаад харилцааны сайд Б.Батцэцэгийг тус улсад айлчлах үеэр вьетнамчууд ярьж байжээ.

5. Монгол морьд гэмт хэргээс урьдчилсан сэргийлэх албанд зүтгэж, эрэн хайх, аврах, хэв журмыг сахиулах ялангуяа машин техник ашиглах боломжгүй хилийн бүсийн уулархаг нутагт хүчин зүтгэдэг байна.

6. Морьдыг анх албанд сургаж эхлэхдээ туурайд нь тах хадаж, чулуурхаг газар олон цементэн дээр туурайг нь элэгдэхээс хамгаалж байжээ.

7. Монгол улсын Ерөнхийлөгч У.Хүрэлсүх 2023 оны 11 дүгээр сард Вьетнам улсад айлчлахдаа дээрх монгол морьдын талаар олж сонсоод, эх оронд нь авчраад оронд нь адуу өгье гэх шийдэлд хүрсэн юм. Тухайн үед цэргийн зориулалтаар сургасан монгол морьд хөгширч байгааг морь сургагчид хэлж байжээ.

8. Тэгвэл үүнтэй холбоотойгоор хоёр улсын Засгийн газраас ажлын хэсэг гарган морьдоо авчрах ажлыг зохион байгуулахаар болсон байна.

9. Вьетнамд очсон монгол адуу тус бүр нь 300-400 кг жинтэй, 1.6-1.8 метр өндөртэй.

10. Бусад орны цагдаагийн албаны морьдтой харьцуулахад энэ нь намхан, жижигхэнд тооцогдох юм.