Криштиану Рональду 900 дахь гоолоо оруулав

Б.Бадамзул

Анд нөхдийн мэдээ

2024-09-06

Үндэстнүүдийн лигийн тэмцээнд оролцож буй Португалийн хөлмбөмбөгчин Криштиану Рональду өчигдөр Хорватын багтай тоглож байхдаа замналынхаа 900 дахь гоолыг орууллаа. Тэрбээр Испанид болсон тус тоглолтын 34 дэх минутад гоол оруулснаар энэ амжилтад хүрэв. Уг амжилт нь томоохон лигийн тэмцээн, Олимпод түүний оруулсан гоолын нийлбэр дүн бөгөөд тэрбээр улсынхаа шигшээ багийн төлөө 131, тоглосон клубүүддээ 769 гоол оруулжээ. Энэ амжилтаар түүний араас 842 гоолтой Лионель Месси ордог. К.Рональду нь “Ballon d’Or” шагналыг таван удаа хүртсэн тамирчнаас гадна 800 гоол оруулсан анхны хөлбөмбөгчин билээ. Тэрбээр тоглолтын дараа AP агентлагт өгсөн ярилцлагадаа “Энэ гоол надад маш чухал. Би хөлбөмбөгөө тоглосоор байвал ийм амжилтад хүрч чадна гэдгээ мэдэж байсан” гэжээ. Мөн тэрбээр саяхан “Youtube” -д албан ёсны хаягаа нээгээд “Manchester United” багт хамт тоглодог байсан хөлбөмбөгчин Рио Фердинандтай ярилцаж буй бичлэгээ оруулсан юм. Тэр бичлэгтээ К.Рональду “1000 гоол оруулахыг хүсч байна” хэмээн ярьсан билээ.

Гэрэл зургийн эх сурвалж: "Getty Images"