“Тесла” таван сая дахь машинаа үйлдвэрлэв
Америкийн цахилгаан автомашин үйлдвэрлэлийн “Тесла” компани үүсгэн байгуулагдсанаасаа хойш 20 жил, анхны цахилгаан машинаа худалдаанд гаргаснаас хойш 15 жилийн дараа 5 сая дахь машинаа үйлдвэрлэсэн амжилтаа ёслон тэмдэглэв. Энэхүү таван сая дахь машин нь сувдан цагаан өнгөтэй “Model 3 Highland” автомашин байжээ. 2019 оны нэгдүгээр сард ашиглалтад орсон Шанхай дахь үйлдвэр нь хилийн чанадад “Тесла”-гийн барьсан анхны үйлдвэр юм. Энэ оны гуравдугаар сард 4 сая дахь машинаа үйлдвэрлэж байсан бол зургаан сарын дараа ийнхүү 5 сая дахь машинаа үйлдвэрээс гаргасан байна. Хэрэв үйлдвэрлэлийн хэмжээ цаашид тогтвортой өсвөл 6 сая дахь машин ирэх оны эхээр худалдаанд гарах төлөвтэй байна. “Тесла”-гийн үйлдвэрүүд одоогоор АНУ-ын Калифорниа мужийн Фремонт, Техас мужийн Остин, Германы Берлин, Хятадын Шанхай хотод ажиллаж байна. Саяхан Туркийн ерөнхийлөгч Режеп Эрдоган Нью-Йорк хотноо Илон Масктай уулзахдаа, улсдаа ийм үйлдвэр байгуулах хүсэлт тавьсан билээ.
ТӨСТЭЙ МЭДЭЭ
Хуйвалдааны онол юунаас үүдэлтэй вэ?
2026-06-04
Эхдээ гологдсон бяцхан муурын түүх
2026-06-03
Сэтгэгдэл (0)
ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.