Хятад: Экологийн соёл иргэншлийг бий болгох нь хятад үндэстний хөгжлийн үндэс юм

Д.Бизьяа

Анд нөхдийн мэдээ

2023-08-16

БНХАУ-ын Ардын Төлөөлөгчдийн Их Хурлын Байнгын хороо зургаадугаар сарын III хурлаар наймдугаар сарын 15-ны өдрийг “Үндэсний байгаль экологийн өдөр” болгон зарласан байна. Хятад улсын дарга Ши Жиньпин уг өдрийг тохиолдуулан хүн байгаль хоёрын эв найртай зэрэгцэн орших орчин үеийн шинэчлэлийн бодлогын талаар онцлон дурджээ. Тэрбээр тухайн өдөр гаргасан зарлигтаа "Экологийн соёл иргэншлийг бий болгох нь хятад үндэстний хөгжлийн үндэс юм" гэжээ. Улмаар "Орчин үеийн социалист улс орныг байгуулах шинэ аянд бид экологийн соёл иргэншлийн бүтээн байгуулалтыг бэхжүүлэх, өндөр чанартай бүтээн байгуулалтыг хийх, байгаль орчныг өндөр түвшинд хамгаалах стратегийн хүчин чадлаа нэгэн зэрэг хадгалах ёстой" гэсэн байна. Улмаар Жэжян мужийн Хужөү хотод анх удаа Үндэсний байгаль экологийн өдрийн баярын арга хэмжээг зохион байгуулсан билээ.