Сөүл хотод хоёр Солонгосын хамтарсан тоглолтууд болно

Д.Бизьяа

Анд нөхдийн мэдээ

2023-08-04

Хоёр Солонгосын соёлын эв найрамдлыг бэхжүүлэх зорилгоор наймдугаар сарын бямба гараг бүр Сөүл хотын Кангсогу "Зуны шөнийн зүүд" арга хэмжээг зохион байгуулахаар болсон тухай Өмнөд Солонгосын Эв нэгдлийн яамны харьяа "Өмнөд, Умардын интеграцийн соёлын төв"-өөс мэдээллээ. Наймдугаар сарын тавны бямба гаригт Өмнөдийн сайхан эр, Умардын сайхан бүсгүй хоёрын хайр дурлалыг өгүүлсэн мюзикл, 12-ны бямба гаригт "Зуны сэрүүн шөнө" нэртэй Хойд болон Өмнөд Солонгосын цохивор хөгжмийн тоглолт, жааз хамтлагийн тоглолт, 19-ний бямба гаригт гэрэл, элсээр хийсэн үлгэрийн үзүүлбэр, 26-ны бямба гаригт “Эх нутгийн аялгуу” нэртэй Хойд болон Өмнөд Солонгосын хамтлагийн тоглолтууд болох ажээ. Эдгээр бүх тоглолт үзэгчдэд үнэ төлбөргүй гэнэ.