АНУ: Хулгай хийхээр дэлгүүрт нэвтэрсэн эр яагаад өөрийгөө илчлэв?

Д.Бизьяа

Анд нөхдийн мэдээ

2025-04-03

АНУ-ын Техас мужийн Тэйлор хотод нэгэн сонин хэрэг гарсан нь, дээрэмчин автомашины дэлгүүрийн цонхыг хагалан нэвтэрч орсон хойноо 911 рүү залгаж өөрийгөө илчилжээ. “Fox News” агентлагийн мэдээлснээр, 38 настай Жеремиа Мегалон гэх этгээд шөнийн 03:45 цагт дэлгүүрт нэвтэрч орохдоо шилний хагархайд гараа зүсэн гэмтсэн бөгөөд удалгүй 911 рүү өөрөө залгаж тусламж хүссэн байна. Тэрбээр гараа гэмтээснээс гадна дэлгүүрээс гарч чадахгүй болсноо мэдээд аргагүйн эрхэнд ингэсэн хэмээн цагдаад мэдүүлжээ. Дүүргийн цагдаа мэдээлэхдээ "Хачирхалтай нь, сэжигтэн зугтах боломжтой, хаалганууд түгжээгүй байсан" гэжээ. Ж.Мегалоныг эмнэлэгт хүргэн гэмтлийг нь эмчлүүлсний дараа хулгай, дээрэм хийхийг завдсан хэргээр баривчлан саатуулсан байна. Дэлгүүр нэг цонхны шил хагарсан, ажилтны ширээн дээр байсан чихэр алга болсноос өөр хохирол учраагүй гэж мэдэгдэв. Цагдаагийн газрын мэдээлснээр, гэмт этгээдүүд хэрэг үйлдээд өөрийгөө илчлэх явдал үе үе гардаг гэнэ. 2012 онд тэтгэвэрт гарсан шүдний эмч Бобби Николс хэмээх эр эхнэрээ хөнөөсөн даруйдаа цагдаад мэдэгдэж байжээ.