Италид монгол соёлоо сурталчлав
Монгол, Итали улсууд дипломат харилцаатай болсны 55 жилийн ой энэ онд тохиож байгаа тул тус улсын Перужа хотноо өнгөрөгч сарын 29-нд монгол соёлын үзэсгэлэн гаргажээ. Үзэсгэлэнг Ром дахь Монголын Элчин сайдын яам, Монгол, Италийн нийгэмлэг, Перужа хотын Залуучуудын зөвлөл хамтран зохион байгуулсан байна. Ингэхдээ Чингис хааны хөрөг, баримал, "Монголын нууц товчоо" тэргүүт ном, малгай, дээл, гоёл, мөнгөн аяга, шагай, шатар, эсгий тоглоом, гэрэл зураг зэргийг дэлгэжээ. Перужа нь Умбриа мужийн нийслэл бөгөөд Ром хотоос хойш 164 км зайд оршдог эртний түүхт хот юм. Мөн тус хотын Гадаад оюутнуудын их сургуульд гуравдугаар сарын 21-нд “Монголын нэг өдөр” өдөрлөг зохион байгуулжээ. Өдөрлөгийн үеэр монгол оюутнууд Цагаан сар, морин хуур, буган чулуу, шагайн тоглоомыг үзэгчдэд танилцуулж, уран бичгээр зочдын нэрсийг бичин дурсгаж, монгол ардын дуу, хөгжим, бүжиг, биелгээ болон төгөлдөр хуур, дуурийн дуутай тоглолт хийсэн байна.
Эх сурвалж: Итали дахь Монголын Элчин сайдын яам.
ТӨСТЭЙ МЭДЭЭ
Сэтгэгдэл (0)
ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.