Олон улсын эрүүгийн шүүхэд ажиллаж буй монгол шүүгч тушаал дэвшив
Нидерланд улсын Гааг хот дахь Олон улсын эрүүгийн шүүхэд ажиллаж буй анхны монгол хүн Д.Эрдэнэбалсүрэн 2025-2026 онд тус шүүхийн Давж заалдах шатны танхимын ерөнхийлөгчөөр ажиллахаар боллоо. Олон улсын эрүүгийн шүүхийн дүрмийн 14 дэх заалт, Дотоод журмын дөрөв дэх заалтад зааснаар тус танхимын ерөнхийлөгчийг шүүгчдийн олонхын саналаар сонгодог байна. Улмаар бүх шүүгч санал нэгтэйгээр Д.Эрдэнэбалсүрэнг сонгожээ. Олон улсын эрүүгийн шүүхийн Давж заалдах шатны танхим нь хамгийн шилдэг, туршлагатай таван шүүгчээс бүрдсэн дээд шатны танхим юм. Д.Эрдэнэбалсүрэн АНУ-ын Нью-Йорк хотноо 2023 оны 12 дугаар сарын 4-14-нд болсон Олон улсын эрүүгийн шүүхийн 22 дугаар чуулганаар 2024-2033 онд тус шүүхэд ажиллах 18 шүүгчийн нэгээр сонгогдож, 2024 оны гуравдугаар сарын 8-нд тангаргаа өргөснөөр бүрэн эрхээ хэрэгжүүлж эхэлсэн билээ.
ТӨСТЭЙ МЭДЭЭ
Сэтгэгдэл (0)
ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.