CU эмзэг бүлгийнхэнд тусалдаг буяны санд 340 сая төгрөг хандивлажээ

Ж.Ариунгэрэл

Чихэнд чимэгтэй

2024-11-21

Сонгинохайрхан дүүргийн гэр хорооллын эмзэг бүлгийнхний хүүхдүүдэд зориулсан "Нарны хүүхдүүд" цэцэрлэг ажиллуулдаг “Veloo Foundation” сан 340 сая төгрөгийн хандив хүлээн авлаа. Хандивыг CU сүлжээ дэлгүүрийн толгой компани “Premium nexus” болон “Premium concrete” компани хамтран олгожээ. Эдгээр нь хүнсний худалдаа, зочид буудал, нийтийн хоол, аялал жуулчлал зэрэг хэд хэдэн салбарт бизнес эрхэлдэг “Premium” группийн охин компаниуд юм. Канадын иргэн Жюли Вэлүүгийн байгуулсан “Veloo Foundation” сан Монголд 2013 онд үйл ажиллагаагаа эхлүүлсэн бөгөөд Сонгинохайрхан дүүрэгт нийт мянга гаруй ортой гурван цэцэрлэг барьснаас гадна Улаанчулуутын хогийн цэг зэрэг эмзэг бүлгийнхэн олноор байдаг газруудыг хамарсан хүмүүнлэг, эрүүл мэнд, боловсролын олон төслийг сүүлийн 10 гаруй жил тасралтгүй хэрэгжүүлж ирсэн байна.