У.Баффетын компанийн үнэлгээ 1 их наяд долларт хүрэх дөхөв

Ж.Ариунгэрэл

Анд нөхдийн мэдээ

2024-08-29

Дэлхийн тэргүүн баяны нэг Уоррен Баффетын ”Berkshire Hathaway” хөрөнгө оруулалтын компанийн зах зээлийн үнэлгээ нэг их наяд доллар болоход тун ойртсон талаар олон улсын хэвлэлүүд өчигдөр мэдээллээ. Даваа гарагийн биржийн арилжаа хаагдахад ”Berkshire Hathaway”-ийн үнэлгээ 993 тэрбум доллар болжээ. 2024 оны эхнээс компанийн үнэ цэн даруй 218 тэрбум доллароор өссөн нь энэ бөгөөд А самбарын хувьцаа нь энэ жил 27,4%, Б самбарын хувьцаа нь 29,2%-иар өссөн байна. Зах зээлийн үнэлгээ нь нэг их наяд доллар хүрсэн компани түүхэнд найм гарсан бөгөөд тэдгээр нь “Nvidia”, “Microsoft”, “Apple”, “Amazon”, “Meta”, “Alphabet”, “Tesla” болон Саудын Арабын “Saudi Aramco” билээ. Эдгээрээс өнөөдрийн байдлаар энэ үнэлгээгээ хадгалж буй цорын ганц компани нь “Tesla” юм.