Казахстаны рэп дуучин Монголд тоглоно

Ж.Ариунгэрэл

Анд нөхдийн мэдээ

2024-02-21

Казахстаны алдартай рэп дуучин Жа Халиб Монголд тоглохоор болжээ. “DD Entertainment” компанийн зохион байгуулах энэ тоглолт ирэх наймдугаар сарын 17-нд “Шангри-Ла” зочид буудлын “Shoppy Park”-ад болох бөгөөд тасалбарын үнэ өнөөдрийн байдлаар 79900 төгрөг байна. Жа Халиб хэмээх уран бүтээлийн нэрээрээ алдаршсан Бахтияр Мамедов 1993 онд Алма-Аты хотод төрсөн, азербайжан аав, казах ээжтэй. 2016 онд анхныхаа цомгийг гаргаснаас хойш Казахстаны шоу бизнесийн алдартнуудын эгнээнд орж хуучин ЗХУ-ын бүрэлдхүүнд байсан орнуудад нэрд гарсан юм. Тэрбээр ”MTV Europe Music Award” шагнал болон ОХУ-ын дуу хөгжмийн салбарын хамгийн нэр хүндтэй шагнал “Золотой граммофон”-ыг хоёр удаа хүртжээ. Рэп дуулахаас гадна бит дуучин, продюсер тэрбээр нийтдээ 12 цомог гаргасан байна.

Гэрэл зургийн эх сурвалж: "Аргументы факты"